Teagasc agus foghlaim

Comhoibriú

Ceadaíonn Clár Foghlama Leibhéal 1 do phróiseas an chomhoibrithe ar fud an tsuímh iar-bhunscoile. Go príomha, tarlaíonn comhoibriú idir múinteoirí na ranganna speisialta agus an cúntóir riachtanas speisialta. Éascaíonn an obair bhuíne sin pleanáil, déanamh acmhainne agus bailiú fianaise fairsing. Chun tairbhí iomlána an chomhoibrithe a fheiceáil, teastaíonn am pleanála cuí. Tarlóidh formhór an teagaisc sa bhunseomra ranga do Thara ach ceadaítear do chomhoibriú i dtimpeallacht uile na scoile i ngnéithe den chlár.

Is féidir an comhoibriú sin a fheiceáil idir an rang speisialta agus na ranna ábhair ábhartha. Bhí deis ag an múinteoir corpoideachais tabhairt faoi ATF iomlán fad a nasc sé isteach le gné folláine fisiciúla den ATF Cúram pearsanta agus folláine. Bhí idir ghníomhaíochtaí grúpa sa rang príomhshrutha agus ranganna grúpa damhsa agus ióga níos lú i gceist anseo. Cheadaigh an ATF Na healaíona, mar aon leis na gnéithe Cumarsáid, teanga agus litearthacht lena mbaineann, d’ionchur ón múinteoir ealaíne agus ón múinteoir ceoil. Ag féachaint ar ghnéithe ó Chúram pearsanta agus A bheith rannpháirteach i bpobal, bhí an múinteoir eacnamaíocht bhaile in ann clár foghlama a chur le chéile chun scileanna maireachtála neamhspleácha a chur chun cinn.

Cé go mb’fhéidir go mbeadh roinnt gnéithe de Chlár Foghlama Leibhéal 1 is féidir a atreisiú thar roinnt ábhar príomhshrutha, theastódh suíomhanna grúpa bhig chun torthaí foghlama den chineál sin a theagasc i ndáiríre le múinteoirí a bhaineann leis an ábhar ar leith nó laistigh den bhunrang speisialta. Cé gur féidir torthaí foghlama a nascadh le hábhair phríomhshrutha ar pháipéar, go réadúil ní bheadh sé seo indéanta. Ag brath ar riachtanais an scoláire, tá féidearthacht ann go gcríochnófaí gnéithe den chlár i rang príomhshrutha Corpoideachais nó ealaíne ach teastaíonn suíomh grúpa níos lú d’fhormhór na foghlama.

D’oibrigh na múinteoirí roinne ábhair leis an múinteoir ranga speisialta i dtéarmaí deiseanna agus straitéisí pleanála foghlama agus freisin chun fianaise ar fhoghlaim a chur i dtoll a chéile. Stóráladh an fhianaise ar fad i bpunann. Úsáideadh an fhéidearthacht chun fianaise a fháil ón mbaile freisin chun foghlaim a chomhdhlúthú do Thara. Chruthaigh sé sin braistint measúnaithe fhoirmithigh trí obair baile. Cuireadh tuismitheoirí ar an eolas trí chruinnithe nó irisí cumarsáideacha maidir le torthaí foghlama ábhartha agus na féidearthachtaí a bhaineann le fianaise a bhailiú. I gcás go raibh féidearthachtaí ann, bhreathnaigh tuismitheoirí ar fhoghlaim taobh amuigh den seomra ranga agus bailíodh fianaise agus cuireadh ar aghaidh chuig an múinteoir í.

Straitéisí teagaisc

Idirdhealú

Is maith le Tara a bheith gníomhach agus ag cabhrú ina timpeallacht. Is breá léi idirghníomhú le daoine eile agus freagraíonn sí go han-mhaith don atreisiú dearfach. Is fearr a fhoghlaimíonn Tara trí phróiseas samhalta agus le húsáid na struchtúr amhairc. Bunaithe ar na buanna sin mar aon lena spéiseanna, forbraíodh gníomhaíochtaí foghlama lena chinntiú go mbeadh sí rannpháirteach agus páirteach sa chlár foghlama.  Mar shampla, bhraithfeadh Tara ar chomharthaí Lámh i gcomhair cumarsáid le daoine eile, scéalta sóisialta chun tuiscint a fháil ar a timpeallachtaí sóisialta agus struchtúir amhairc le cabhrú léi le haistrithe trína timpeallacht. Ar an gcaoi chéanna, tá Tara an-mheallta ag ábhair amhairc agus bíonn sí an-spreagtha agus í ag obair le iPad. Cruthaíonn an t-idirghníomhú leis an TFC seo deiseanna chun cumarsáid a fhorbairt, coincheapa matamaiticiúla agus dul i ngleic le gnéithe difriúla de na healaíona. Mar gheall ar réimse leathan úsáidí TFC agus a airíonna ilchéadfacha idirghníomhacha, ceadaíonn sé do go leor foghlama do Tara.

Mar gheall go n-oibríonn Tara go príomha feadh na gconairí dul chun cinn Ag éirí líofa agus Ginearálú, bhí sé tábhachtach freisin clár leathan agus cothromaithe a cheadú. Cheadaigh roinnt torthaí foghlama laistigh den CFL1 síneadh le dul in oiriúint do riachtanais foghlama aonair Thara. I gcásanna áirithe freisin, bhí sé indéanta tagairt a dhéanamh do roinnt torthaí foghlama ón CFL2 agus iad a úsáid. Trí idirdhealú, is féidir le Tara freisin gearrchúrsaí Leibhéal 2 a chur i gcrích ag leibhéal indéanta.

An pobal níos leithne

Cuimsítear ionchuimsiú Thara sa phobal níos leithne i gClár Foghlama Leibhéal 1. Cuireann sé seo ar a cumas oibriú i dtreo roinnt torthaí foghlama fad a fhorbraíonn sí a scileanna maireachtála neamhspleácha. Mar chuid den ATF A bheith rannpháirteach i bpobal, is féidir le Tara cuairt a thabhairt ar áiseanna áitiúla trí dhul ar thurais siopadóireachta chuig an ollmhargadh áitiúil, turais go dtí an phictiúrlann, busanna a úsáid agus dul chuig bialanna/caiféanna. Ceadóidh gné uiscíochta den ATF Corpoideachais do Tara Dul i ngleic leis an ionad snámha áitiúil. Glacann Tara páirt freisin i bpoist ina scoil, rud a cheadaíonn di cur lena pobal. Glacann Tara páirt i ‘Scoileanna Glasa’ le scoláirí eile trína chinntiú go bhfuil ár scoil agus ár bpobal saor ó bhruscar. Nascann grúpa Gaisce na hIdirbhliana freisin le rang Tara agus reáchtálann siad raon gníomhaíochtaí uair sa tseachtain. Tabharfar deis do Tara sna gearrchúrsaí CFL1 agus CFL2 nascadh leis an ionad garraíodóireachta, dochtúirí, feirm agus tréidlianna áitiúla, ag tabhairt deis di nascadh a thuilleadh leis an bpobal. Mar go nglacann Tara páirt i marcaíocht capall theiripeach tá a scoil nasctha freisin le stáblaí áitiúla agus chuir sé seo ar a cumas páirt a ghlacadh sa ghníomhaíocht seo mar chuid dá curaclam d’fhonn feasacht spásúil, díriú, cothromaíocht, comhordú, láidreacht a fheabhsú mar aon le cumarsáid shóisialta. Is éard atá i gceist leis seo aire a thabhairt do chapaill mar chuid dá gearrchúrsa.