An Ardteistiméireacht Fheidhmeach

Clár na hArdteistiméireachta Feidhmí

Is clár Ardteistiméireachta dhá bhliain í an Ardteistiméireacht Fheidhmeach a bhfuil d’aidhm léi an scoláire a ullmhú do shaol an duine fhásta agus do shaol na hoibre.

Tá sé mar aidhm ag an gclár buanna gach scoláire a aithint agus deiseanna a sholáthar chun freagracht phearsanta, féinmheas agus féin-eolas a fhorbairt, agus cabhraíonn sé leis an scoláire an méid a fhoghlaimíonn sé a chur i bhfeidhm sa saol réadúil.

Tá ceithre bhloc leathbhliana, ar a dtugtar seisiúin, i gceist sa chlár dhá bhliain. Tugtar creidiúint le haghaidh gnóthachtála i ngach seisiún. Cuirtear cúrsaí ar fáil sna trí phríomhréimse seo a leanas: Ullmhú le haghaidh Gairme; Gairmoideachas; agus Oideachas Ginearálta.

Measúnú

Déantar an measúnú nuair a chuirtear na modúil i gcrích, agus déantar scrúdú deiridh freisin i ngach ceann de na réimsí seo a leanas:

• Béarla agus Cumarsáid
• Dhá speisialachas gairme
• Feidhmeanna Matamaiticiúla
• Teanga
• Oideachas sóisialta (Féach ar Athruithe ar an gClár thíos)

Bronntar Ardteistiméireacht ón Roinn Oideachais agus Eolaíochta ar gach scoláire a n-éiríonn leo an clár a chur i gcrích. Bronntar an teastas ar thrí leibhéal: Pas; Tuillteanas; agus Gradam.

Athruithe ar an gClár

• An 29 Márta 2022, d'fhógair an tAire Oideachais, Norma Foley, TD, pleananna d'oideachas athshamhlaithe na Sraithe Sinsearaí do dhaltaí iar-bhunscoile – Cothromas agus Barr Feabhais do Chách, áit a bhfuil an mac léinn i gcroílár a dtaithí sa tSraith Shinsearach. 
• I gcomhthéacs an chláir ATF, fógraíodh go gcuirfí le roghanna na ndaltaí trí rochtain a chur ar fáil ar Mhatamaitic agus Nuatheangacha Iasachta na hArdteistiméireachta (ATF) ó Mheán Fómhair 2022. Mar thoradh air sin, cuireadh aguisín leis an ráiteas cláir atá ann cheana a mhodhnaíonn agus a chuireann leis chun cur ar chumas na mac léinn a leanann an clár ATF rochtain a fháil ar Mhatamaitic LCE agus/nó ar Nuatheanga Iasachta.
• Amhail ó mhí Mheán Fómhair 2025, beidh ar scoláirí atá ag dul isteach sa chéad bhliain de chlár na hArdteistiméireachta Feidhmí staidéar a dhéanamh ar an tsonraíocht churaclaim nua le haghaidh Oideachas Sóisialta, Pearsanta agus Sláinte (OSPS) na Sraithe Sinsearaí. Tiocfaidh an tsonraíocht OSPS in ionad mhodúil 1 agus 4 d’Oideachas Sóisialta.  Mar thoradh air sin, déanfar measúnú iomlán ar mhic léinn a leanann an Clár ATF in OSPS trí Phríomhthascanna a chur i gcrích go sásúil. Sa chás go gcuirfear deireadh leis an scrúdú deiridh ar Oideachas Sóisialta ó Mheitheamh 2026, leanfaidh mic léinn ag carnadh creidmheasanna trí na Príomhthascanna ábhartha agus tríd an Tasc um Shaincheisteanna Comhaimseartha.
  • Ráiteas Cláir na hArdteistiméireachta Feidhmí - Daltaí atá ag dul isteach in ATF Bliain 1 2024/25
  • Ráiteas Cláir na hArdteistiméireachta Feidhmí - Daltaí atá ag dul isteach in ATF Bliain 1 2025/26
  • Aguisín leis an gClár ATF: Ceisteanna Coitianta 
  • Aguisín an Chláir ATF: Ceisteanna Coitianta – Leagan an Mhic Léinn
  • Tasc Machnaimh do dhaltaí atá ag déanamh staidéir ar Mhatamaitic Bhunaithe na hArdteistiméireachta mar chuid de Chlár na hArdteistiméireachta Feidhmí