Aonaid Tosaíochta Foghlama Is iad na ATFnna na comhpháirteanna lárnacha i gCláir Foghlama Leibhéal 2. Tá roinnt eilimintí i ngach ATF a shoiléiríonn an t-eolas, na scileanna agus na dearcthaí a bhíonn i gceist. Leagtar amach na ATFnna, na heilimintí agus a gcuid torthaí foghlama ábhartha in Cláir Foghlama Leibhéal 2: Treoirlínte do Mhúinteoirí. Meastar na ATFnna agus na heilimintí atá sainithe thíos bheith lárnach sa ghearrchúrsa seo. Aonad Tosaíochta Foghlama Eilimint ATF Gníomhaíochtaí Foghlama Scoláire Cumarsáid agus Litearthacht Ag caint/ag comharthú mar is cuí ar son cuspóirí éagsúla agus aireachas mar éisteoir a léiriú An rud a dhéanann an scoláire léann agus/nó éisteann siad chun eolas a fháil léann siad stór focal sóisialta súilaithne /aithníonn siad siombailí agus comharthaí a bhaineann le rialú madraí scríobhann siad paragraf gearr chun eolas a chur in iúl ag úsáid príomhthéarmaí cuí cuireann siad topaic bainteach le madraí i láthair lucht éisteachta le/gan leideanna/noda pictiúrtha Uimhearthacht Airgead a bhainistiú Áireamhán a úsáid Fiosraíonn an scoláire na costais a bhaineann le haire a thabhairt do mhadra agus pleanálann buiséad chuige sin. Trí rólimirt agus eispéiris siopadóireachta san fhíorshaol foghlaimíonn an scoláire chun áireamhán a úsáid sa chomhthéacs seo. Aire Phearsanta Stíl shláintiúil mhaireachtála a fhorbairt Liostaíonn an scoláire na tairbhí a théann le madra bheith aige, m.sh. don aclaíocht, do chúiseanna sóisialta agus/nó folláine mheabhrach. Maireachtáil i bPobal Ag lorg cabhrach agus comhairle Déanann an scoláire taighde ar obair ghairmithe bunriachtanacha sa phobal a oibríonn le madraí agus ar féidir leo cabhair nó comhairle a lorg uathu. Déanann an scoláire rólimirt ar chás éigeandála a thuairisciú trí ghlaoch gutháin, ó bhéal nó trí théacs. Ullmhú don Obair Bheith ábalta spriocanna don fhoghlaim a shocrú I Snáithe 1 leagann an scoláire síos spriocanna foghlama don ghearrchúrsa, ag aibhsiú na réimsí chun oibriú orthu agus atá le forbairt. Taifeadann an scoláire gach a gcuirtear i gcrích agus na spriocanna seo á mbaint amach.
