Skip to content

Foilsiú Curaclam Athfhorbartha na Bunscoile

Foghlaim Tuilleadh

Ionchas maidir le scolairí

Foghlaimíonn na scoláiri faoi Ba chóir go mbeadh sé ar chumas an scoláire
Mo dhomhan digiteach: Tábhacht na ríomhairí sa tsochaí nuaaimseartha agus i mo shaol féin
  1. 1.1

    samplaí d’úsáid ríomhairí a chur i láthair agus a roinnt, agus plé a dhéanamh ar a dtábhacht sa tsochaí nuaaimseartha agus ina shaol féin

  2. 1.2

    cur síos a dhéanamh ar phríomhchomhpháirteanna córas ríomhaire (láraonad próiseála, cuimhne, príomhstóras, gléasanna ionchuir/aschuir, busanna)

  3. 1.3

    a mhíniú gur gléasanna iad ríomhairí chun cláir a rith trí theangacha ríomhchlárúcháin a úsáid
Is códóir mé – céim ar chéim: An chaoi le tús a chur le ríomhchlárú agus le halgartaim bhunúsacha a fhorbairt
  1. 1.4

    algartaim oiriúnacha a fhorbairt le súdachód agus/nó le sreabhchairteacha

  2. 1.5

    cód a scríobh chun algartaim a chur i bhfeidhm

  3. 1.6

    croíghnéithe teangacha ríomhchlárúcháin struchtúrtha a phlé agus a chur i bhfeidhm, ar nós athróg, oibreoirí, lúb, cinntí, sannacháin agus modúl

  4. 1.7

    an cód a thástáil

  5. 1.8

    na torthaí a mheasúnú i ngrúpaí de bheirt nó de thriúr

Foghlaimíonn na scoláiri faoi Ba chóir go mbeadh sé ar chumas an scoláire
Naisc a dhéanamh: Is gairis cumarsáide iad ríomhairí
  1. 2.1

    na bunchoincheapa a bhaineann leis an idirlíon a phlé

  2. 2.2

    cur síos a dhéanamh ar an gcaoi a niompraítear sonraí ar an Idirlíon agus ar an gcaoi a mbíonn ríomhairí i mbun cumarsáide agus comhoibriú trí phrótacail

  3. 2.3

    an chaoi a seachadann innill chuardaigh torthaí a mhíniú

  4. 2.4

    suíomh gréasáin a thógáil le teanga mharcála hipirtéacs (HTML) agus le stílbhileog chascáideach (CSS) chun a chuid foghlama a thaispeáint
Giotáin agus bearta: An chaoi a stórálann ríomhairí sonraí
  1. 2.5

    míniú a thabhairt ar an gcaoi a léiríonn ríomhairí sonraí ag úsáid 1nna agus 0nna

  2. 2.6

    an chaoi a léirítear líníochtaí agus grianghraif i ngairis ríomhaireachta a iniúchadh
Fadhbanna an fhíorshaoil: An Ríomheolaíocht do mo spreagadh
  1. 2.7

    ábhar nó dúshlán sa ríomheolaíocht a spreagann é a shainaithint

  2. 2.8

    taighde a dhéanamh ar an ábhar/dúshlán sin

  3. 2.9

    moladh a chur i láthair le haghaidh plé agus machnamh a dhéanamh ar aiseolas

  4. 2.10

    a chur ina luí ar a phiaraí go bhfuil fiúntas ag baint le smaoineamh

Foghlaimíonn na scoláiri faoi Ba chóir go mbeadh sé ar chumas an scoláire
Is códóir mé: Coincheapa níos casta i ríomhchlárú agus i smaointeoireacht ríomhaireachta
  1. 3.1

    cód a dhearadh go cruthaitheach agus a scríobh le haghaidh tascanna gearra ríomhchláraithe chun úsáid oibreoirí a thaispeáint le haghaidh sannacháin, uimhríochta, comparáide agus teaglamaí Boole

  2. 3.2

    tascanna gearra ríomhchláraithe a chur i gcrích le bunstruchtúir líneacha sonraí (m.sh. eagar nó liosta)

  3. 3.3

    an chaoi a ngabhann feidhmeanna agus/nó gnásanna (sainigh agus glaoigh) teibiú a thaispeáint

  4. 3.4

    cur síos a dhéanamh ar shreabhrialú cláir m.sh. sreabhrialú comhuaineach nó seicheamhach – ag brath ar theanga
An cód a dhoiciméadú: Doiciméadú agus anailís ar chód
  1. 3.5

    cláir a dhoiciméadú chun an chaoi a noibríonn siad a mhíniú

  2. 3.6

    an cód doiciméadaithe a chur i láthair dá chomhscoláirí i ngrúpaí beaga

  3. 3.7

    cód a anailísiú chun a fheidhm a fháil amach agus chun earráidí nó earráidí féideartha a shainaithint
Cuireadh leis an ngearrthaisce é go rathúil.