Foghlaim phearsantaithe Tá na spriocanna i bPlean Oideachais don Dalta Aonair Tara mar bhunchloch lena clár foghlama pearsantaithe. Is próiseas comhoibritheach atá i bhforbairt na spriocanna seo le múinteoirí an ranga speisialta, teiripeoirí urlabhra agus teanga, teiripeoir saothair, síceolaí, cúntóir riachtanas speisialta agus tuismitheoirí. Tarlaíonn cumrú na spriocanna sa Phlean Oideachais don Dalta Aonair ag cruinniú leis na daoine ábhartha ar fad ag tús na bliana. Déantar athbhreithniú ar na spriocanna sin faoi dhó sa bhliain. Déanann na múinteoirí ranga athbhreithnithe coicísiúla neamhfhoirmiúla chun meastóireachtaí maidir le dul chun cinn spriocanna a chomhdhlúthú agus pleanáil dá réir. Tá buanna agus laigí Thara sa Phlean Oideachais don Dalta Aonair, a cheadaíonn do réimsí lárnacha na foghlama pearsantaithe. Is féidir é sin a fheiceáil sa tábla thíos: Plean Oideachais don Dalta Aonair Buanna Spriocanna Cumarsáid Is féidir le Tara cumarsáid mhaith a dhéanamh le roinnt comhartha Lámh agus gothaí. Freagraíonn Tara go maith d’amharcléiriú ar rudaí agus tá cuimhne amhairc an-mhaith aici. Leanúint ag úsáid agus ag leathnú eolais ar chomharthaí Lámh agus cumarsáid á déanamh le daoine eile. Tuiscint a leathnú ar chroífhoclóir. Tuiscint ar réamhfhocail a fhorbairt. Scileanna sóisialta Tá Tara an-mhúinte agus is maith léi comhluadar daoine eile. Breathnú sa tsúil ar dhaoine agus í ag cumarsáid leo Fáiltiú roimh dhaoine go cuí i gcónaí. Cúram pearsanta Is féidir le Tara gnáthaimh chúraim phearsanta a chomhlánú ar nós ciarsúr a úsáid/a béal a chlúdach agus a lámha a níocháin go neamhspleách. Gnáthaimh chúraim phearsanta a dhéanamh go neamhspleách. Gnásanna sóisialta príobháideachais a shainaithint agus a leanúint. Scileanna luaile Tá Tara ag feabhsú a scileanna gléasta/itheacháin le húsáid a próistéise. Próistéis a úsáid le cabhrú le gníomhaíochtaí laethúla a dhéanamh. Scileanna mínluaile a fhorbairt don saol (rudaí a oscailt, gearradh, scríobh). Comhordú agus cothromaíocht a fhorbairt le siúl suas agus anuas staighre. Cúrsaí acadúla feidhmiúla Is féidir le Tara a hainm féin a léamh agus a scríobh. Tá Tara an-mhaith ag críochnú a cuid oibre féilire. Tá na huimhreacha 1–15 ar eolas aici. Is féidir léi roinnt nótaí agus bonn a aithint. Gach nóta agus bonn a aithint. A hainm agus seoladh a scríobh go neamhspleách. Bunaithe ar na spriocanna seo agus a láidreachtaí, spéiseanna agus spreagthaí ar leith, roghnaíodh na gnéithe ábhartha ó gach ATF chun clár foghlama Tara a chur le chéile. Dá réir, is féidir acmhainní teagaisc agus foghlama agus straitéisí ar leith a chur le chéile le cabhrú le spriocanna an Phlean Oideachais don Dalta Aonair a bhaint amach. Aonad Foghlama Tosaíochta Gnéithe Torthaí foghlama Naisc le hábhair na sraithe sóisearaí/gníomhaíochtaí scoile Nasc le Clár Foghlama Leibhéal 2 ATF 1: Cumarsáid, teanga agus litearthacht Caidrimh chumarsáideacha a fhorbairt Tuiscint Léitheoireacht 1.5 Feasacht a léiriú ar thuin, comharthaíocht choirp, gothaí, luas, guthaíochtaí agus airde, agus iad a úsáid, chun dul i bhfeidhm ar an gcumarsáid 1.10 Aird a thabhairt ar stór focal méadaithe i dtéacs agus freagairt dó 1.22 A léiriú go n-aithníonn agus go dtuigeann sé siombailí, comharthaí, amharcléiriú ar rudaí 1.23 Brí a lorg ó mheascáin de chomharthaí, de shiombailí nó de théacs chun críocha praiticiúla Béarla agus gach ábhar A5 Páirt a ghlacadh i gcumarsáid phraiticiúil, fhoirmiúil agus neamhfhoirmiúil B2 Iompar cuí neamhbhriathartha a úsáid agus smaoineamh simplí á chur in iúl B3 Freagra nó ceist a chur in iúl go neamhbhriathartha C1 Focail choitianta a úsáidtear go coitianta agus atá ábhartha go pearsanta a léamh B1 Réimse modhanna cumarsáide neamhbhriathartha a shainaithint B4 Freagra a thabhairt do chomharthaí neamhbhriathartha a fheictear sa ghnáthshaol laethúil ATF 2: Uimhearthacht Tomhais agus sonraí Cruth agus spás 2.24 Páirt a ghlacadh in eispéireas siopadóireachta 2.19 Páirt a ghlacadh i ngníomhaíochtaí ina n-úsáidtear teanga na gluaiseachta agus an tsuímh Cuairteanna siopadóireachta Matamaitic Corpoideachas Eacnamaíocht Bhaile Tíreolaíocht A1 Nótaí agus boinn Euro a úsáidtear go minic a aithint A2 Íoc as mír i gceart agus an sóinseáil a chomhaireamh in idirbheart siopadóireachta samplach nó réalaíoch G1 Foclóir cuí a úsáid chun cur síos a dhéanamh ar threo G5 An corp nó baill den chorp a úsáid chun bogadh i dtreo ar leith G6 Réimse rudaí a bhogadh i dtreonna ar leith ATF 3: Cúram pearsanta agus folláine Cúram pearsanta agus sláinteachas Sábháilteacht phearsanta 2.10 Tascanna cúraim phearsanta a dhéanamh go neamhspleách 2.35 Áiteanna poiblí agus príobháideacha agus an chaoi a bhfuil siad difriúil a shainaithint 2.37 Gnásanna sóisialta príobháideachais a leanúint 2.38 Feasacht a léiriú ar theagmháil chuí agus neamhchuí le daoine eile OSPS Eolaíocht Eacnamaíocht Bhaile A1 Cleachtas cúraim phearsanta laethúil a shainaithint A2 Cur síos a dhéanamh ar na bealaí is tábhachtaí chun an corp a choinneáil glan A5 Plean comhaontaithe cúraim phearsanta a choinneáil F1 Gnáthainmneacha na ngnéasorgán a shainaithint F2 Cur síos a dhéanamh ar fheidhmeanna bhaill ghnéis an choirp F3 Na hathruithe fisiceacha agus mothúchánacha a tharlaíonn i gcailíní agus i mbuachaillí le linn na hógántachta a aithint F4 An difríocht idir bealaí cuí agus míchuí chun mothúcháin a chur in iúl a aithint ATF 4: A bheith rannpháirteach i bpobal Áiseanna áitiúla a úsáid Cur leis an bpobal 4.10 Páirt a ghlacadh in úsáid limistéir/seomraí difriúla ina thimpeallacht láithreach go cuí 4.11 Cuairt a thabhairt ar áiseanna agus páirt a ghlacadh in áiseanna a úsáid ina thimpeallacht 4.12 Eolas a léiriú ar áiteanna a stóráiltear rudaí a bhfuil cur amach aige orthu 4.30 Dul i ngleic le tasc nó post sa phobal Scoileanna glasa Marcaíocht capaill theiripeach Eacnamaíocht Bhaile OSPS agus gach ábhar Ullmhú don obair D1 Samplaí a thabhairt de chleachtais shábháilte i dtrí ionad oibre ar leith D2 Gach uirlis agus trealamh a úsáid i gceart agus go sábháilte i réimse ranganna praiticiúla D3 Cur síos a dhéanamh ar threalamh leictreach agus é a úsáid i gceart agus go sábháilte i raon ranganna praiticiúla D4 Gach uirlis, ábhar agus trealamh a stóráil go sábháilte D5 Na nósanna imeachta difriúla i gcomhair nósanna imeachta pearsanta maidir le féinchosaint ag an obair a liostú Cónaí i bpobal C4 Páirt a ghlacadh i dtionscadal pobail atá bunaithe sa scoil agus an rannpháirtíocht sin a thaifeadadh ATF 5: Na healaíona Amharc-ealaín Ceol 5.5 Páirt a ghlacadh i saothar ealaíne a chruthú bunaithe ar fhíor-spreagthacha nó spreagthacha samhalta 5.6 Amharc-ealaín a úsáid chun cumarsáid a dhéanamh, lena n-áirítear mothúcháin a chur in iúl ar bhealach cruthaitheach 5.7 Oibriú go neamhspleách chun píosa ealaíne a tháirgeadh 5.12 Turgnamh a dhéanamh le fuaimeanna ó bhéal a dhéanamh 5.18 Fuaimeanna a nascadh le léirithe pictiúrtha 5.19 Fonn éasca a sheinm ar uirlis a roghnaíonn sé Ealaín Béarla Matamaitic Ceol Cumarsáid agus litearthacht E2 Réimse íomhánna a chruthú trí ábhair éagsúla a úsáid E3 Píosa oibre a chruthú i gcomhair taispeántais E1 Páirt a ghlacadh i dtaibhiú nó cur i láthair ATF 6: Corpoideachas Scileanna gluaiseachta Gluaiseacht chruthaitheach 6.5 Scileanna oll-luaileacha a bheachtú 6.6 Scileanna mínluaile a bheachtú 6.16 Breathnú ar ghluaiseachtaí duine eile agus iarracht a dhéanamh iad a chóipeáil 6.19 Dhá ghluaiseacht nó níos mó a nascadh le chéile chun sraith gluaiseachtaí a chruthú Corpoideachas Ióga Cúram pearsanta C4 Gnáthamh aclaíochta a choinneáil i dtimpeallacht dhea-struchtúrtha Cumarsáid agus litearthacht E5 Drámaíocht nó damhsa a úsáid chun fíorchásanna agus cásanna samhailteacha a fhiosrú
