Acmhainní lena n-úsáid i dTeagasc OSPS

Spreagtar scoileanna le heispéiris foghlama a dhearadh san Idirbhliain a fhreastalaíonn ar riachtanais agus ar spéiseanna a gcuid scoláirí. Dá bhrí sin, is gné thábhachtach den phleanáil le haghaidh OSPS é dul i gcomhairle le scoláirí.  

Seo thíos dhá bhealach go bhféadfaí dul ina bhun sin:
Ag tarraingt ar ghuth an scoláire chun tacú le pleanáil i gclár OSPS na hIdirbhliana (PDF)
Cur chuige 10 gcéim a ghlacadh i leith idirbheartaíocht churaclaim (PDF)

Tá na micreamhodúil thíos ceaptha chun tacú le múinteoirí eispéiris foghlama ábhartha a dhearadh don scoláire ina rang. Níl curaclam leagtha síos do OSPS san Idirbhliain. Mar is amhlaidh i gcás gach micreamhodúil Idirbhliana, déantar na micreamhodúil OSPS samplacha seo a dhearadh, laistigh de pharaiméadair Ráiteas an Chláir Idirbhliana, chun eispéireas oideachasúil an scoláire a fheabhsú. Is féidir iad a sheachadadh mar chomhpháirteanna neamhspleácha nó iad a chomhtháthú le comhpháirteanna Idirbhliana eile. Is féidir micreamhodúil Idirbhliana a fhorbairt do thréimhse suas le 10, 20, nó 30 uair an chloig. Cuireann an tsolúbthacht seo ar chumas scoileanna modúil OSPS ar fhaid éagsúla a fhorbairt a chuireann leis an méid a foghlaimíodh cheana agus a fhreagraíonn do riachtanais an scoláire ina rang.

Cén saghas duine a bheidh ionat amach anseo? Micreamhodúl OSPS ar fhorbairt phearsanta(PDF)

Tacaíonn an modúl seo le forbairt phearsanta, féinluach agus féinmhuinín an scoláire trína fhéiniúlacht, a thréithe, a luachanna agus a uaillmhianta ar leith a fhiosrú, agus ar an gcaoi sin é a spreagadh le barr a chumais a bhaint amach.

Micreamhodúl OSPS ar scileanna cumarsáide le haghaidh caidrimh shláintiúla(PDF)

Cuireann an modúl seo ar chumas an scoláire forbairt agus cleachtadh a dhéanamh ar na croíscileanna cumarsáide a theastaíonn chun caidrimh shláintiúla a chruthú agus a chothú laistigh den teaghlach, ar scoil, ag an obair, agus i dtimpeallachtaí sóisialta.

Micreamhodúl ar chaidrimh agus ar ghnéasacht

Féadann na hacmhainní seo a leanas tacú le pleanáil a dhéanamh don fhoghlaim agus teagasc in OSPS mar chuid de chlár Idirbhliana na scoile. Ní liosta saintreorach ná uileghabhálach d’acmhainní féideartha é seo.

Know the Score  (FSS)
Tacaíonn Know the Score le múinteoirí foghlaim maidir le drugaí agus alcól a éascú i measc scoláirí san Idirbhliain
Bíodh Fios Fátha an Scéil agat: Ábhair Acmhainne Úsáid Substaintí do OSPS na Sraithe Sinsearaí

Mindout (FSS)
Is clár meabhairshláinte fianaisebhunaithe é MindOut atá oiriúnach don Idirbhliain agus atá deartha lena chur i bhfeidhm laistigh de thréimhse ranga amháin i gcaitheamh 12 seachtaine.
Acmhainní maidir leis an bhFolláine Mhothúchánach do Mhúinteoirí Iar-bhunscoile - HSE.ie

An Clár um Chomhbhá Shóisialta a Ghníomhachtú [Activating Social Empathy Programme] (Ollscoil na Gaillimhe) Á Fhorbairt
Is micreamhodúl um fhoghlaim shóisialta agus mhothúchánach é Comhbhá Shóisialta a Ghníomhachtú (ASE) arb é is aidhm dó comhbhá a chothú agus luachanna agus iompraíochtaí na freagrachta sóisialta a chur chun cinn i measc scoláirí.
Comhbhá Shóisialta a Ghníomhachtú - Ollscoil na Gaillimhe

An clár Níos Mó ná Féinphic (Bodywhys)
Tá na ceachtanna san acmhainn seo deartha chun íomhá dhearfach cholainne agus féinmheas a chothú i measc daoine óga, chun plé oscailte ar íomhá cholainne agus ar a n-imríonn tionchar ar íomhá cholainne a chur chun cinn, agus chun feasacht agus tuiscint ar neamhoird itheacháin agus ar na tacaíochtaí atá ar fáil do dhaoine óga a chur chun cinn.   Acmhainní le haghaidh Iar-bhunscoileanna — BodyWhys
 
BodyRight (An tIonad Éigeandála um Éigniú, Baile Átha Cliath)
Is clár um chosc ar fhoréigean gnéasach é BodyRight, arb é is aidhm dó tacú leo siúd a oibríonn le daoine óga.  
Chun tuilleadh eolais a fháil, cuir ríomhphost chuig [email protected] nó cuir glaoch ar  01 661 4911