Na gnéithe cáilíochta Tacaíonn na gnéithe cáilíochta le breithiúnas an scoláire agus an mhúinteora ar na Measúnuithe Rangbhunaithe agus is iad na critéir iad a úsáidfidh an múinteoir chun an fiosrúchán fealsúnachta a mheas. Beidh ábhar níos mionsonraithe maidir le measúnú agus tuairisciú sa ghearrchúrsa seo, lena n áirítear gnéithe a bhaineann le caighdeán agus sonraí na socruithe praiticiúla a bhaineann le measúnú ar an Measúnú Rangbhunaithe, ar fáil i dtreoirlínte measúnaithe ar leith don ghearrchúrsa seo. Cuimseoidh na treoirlínte, mar shampla, na céimeanna molta a bhaineann le tabhairt faoin bhfiosrúchán fealsúnachta, an fad agus na leaganacha amach a mholtar le haghaidh cur i láthair an scoláire, agus tacaíocht i dtaca le breithiúnas ‘ar an iomlán’ a úsáid i ndáil leis na gnéithe cáilíochta.
