Cuireann an gearrchúrsa 100 uair an chloig seo réamhrá spéisiúil agus tarraingteach ar fáil don fhealsúnacht ag an dara leibhéal. Tá sé mar aidhm aige go mbeadh an scoláire páirteach i bhfiosrúchán agus i gcomhrá fealsúnach maidir le ceisteanna móra an tsaoil agus smaointeoir criticiúil, cruthaitheach, comhoibritheach, comhbhách a fhorbairt ar féidir leis páirt a ghlacadh i ndioscúrsa eolach agus feidhmiú sa domhan ar bhealach níos machnamhaí.

Dírítear go mór ar an scoláire i mbun fealsúnachta chomh maith le foghlaim faoi chuid de na smaointeoirí móra, a bhíodh ann agus atá ann, a chuaigh i ngleic le ceisteanna móra an tsaoil.