Is clár dhá bhliain é an Ardteistiméireacht Bhunaithe a bhfuil sé mar aidhm aige oideachas leathan cothrom a sholáthar d'fhoghlaimeoirí agus ag an am céanna, deis a thabhairt dóibh speisialtóireacht a dhéanamh i dtreo rogha gairme ar leith.
Éilítear ar mhic léinn a dhéanann an clár seo staidéar a dhéanamh ar chúig ábhar ar a laghad, nach mór don Ghaeilge a bheith mar cheann amháin acu. Roghnaíonn mic léinn cúig ábhar nó níos mó (seacht n-ábhar de ghnáth) go ginearálta don scrúdú. Déantar staidéar ar ábhair ag an nGnáthleibhéal nó ag an Ardleibhéal de ghnáth. Is féidir staidéar a dhéanamh ar dhá ábhar, is iad sin, an Ghaeilge agus an Mhatamaitic, ag an mBonnleibhéal. Dírítear an Bonnleibhéal ar riachtanais na mac léinn sin a bhféadfadh go mbeadh deacracht acu leis na hábhair sin ag an nGnáthleibhéal nó ag an Ardleibhéal.
Tá siollabais ar fáil i 33 ábhar. Baineann gach ceann acu sin le grúpa ábhar mar a léirítear sa tábla thíos. Baineann dhá ábhar, Eacnamaíocht Bhaile agus Fisic agus Ceimic le dhá ghrúpa.
| Grúpa na dTeangacha | Béarla, Fraincis, Gearmáinis, Gaeilge, Iodáilis, Laidin, Gréigis, Spáinnis, Araibis, Seapáinis, Rúisis, Staidéar Clasaiceach, Staidéar Eabhrach |
| Grúpa Eolaíochta | Matamaitic Fheidhmeach, Bitheolaíocht, Ceimic, Matamaitic, Fisic, Fisic agus Ceimic |
| Grúpa Staidéar Gnó | Cuntasaíocht, Gnó, Eacnamaíocht |
| Grúpa na hEolaíochta Feidhmí | Eolaíocht Talmhaíochta, Staidéar Foirgníochta, Innealtóireacht, Eacnamíocht Bhaile, Fisic agus Ceimic, An Ghrafaic Dhearaidh agus Chumarsáide |
| Grúpa an Staidéir Shóisialta | Ealaín, Tíreolaíocht, Stair, Eacnamaíocht Bhaile, Ceol |
Chomh maith leis na hábhair sin, cuirfidh Coimisiún na Scrúduithe Stáit scrúduithe ar fáil in aon cheann de na teangacha aitheanta san Aontas Eorpach, i gcás go meastar go bhfuil stádas an iarratasóra/iarrthóra cuí.
Tá na cáipéisí atá ar fáil le híoschóipeáil i bhformáid PDF. Beidh Adobe Acrobat Reader ag teastáil ar do ríomhaire chun rochtain a fháil ar na comhaid. Chun íoschóipéail a dhéanamh, déan deaschliceáil ar an gcomhad atá uait agus roghnaigh "Save Target As". Déan nóta d'ainm an chomhaid agus an áit a mbeidh sé le sabháil nó roghnaigh ceann. Nuair atá an íoschóipeáil críochnaithe, oscail an comhad ar an ngnáthmhodh. Is féidir an comhad a léamh as líne nuair atá sé sábháilte.
Naisc ghaolmhara
An Ardteistiméireacht Bhunaithe
Coimisiún na Scrúduithe Stáit