Réamhrá

Tugann Curaclam na Bunscoile: Réamhrá forbhreathnú ar an gcuraclam do pháistí bunscoile ó naíonáin shóisearacha go rang a sé. Mínítear ann an chaoi a gcuirtear an curaclam i láthair do na leibhéil éagsúla, agus an tábhacht a bhaineann le comhtháthú, agus le forbairt iomlán chomchuí an pháiste sna gnéithe uile dá s(h)aol - na gnéithe spioradálta, morálta, cognaíocha, mothúchánacha, samhlaíocha, aeistéitiúla, sóisialta agus fisiceacha.

I gCaibidil 1 cuirtear aidhmeanna, prionsabail agus gnéithe sainiúla an churaclaim bhunscoile i láthair.

I gCaibidil 2 dírítear ar pháistí agus an fhoghlaim agus aithnítear na prionsabail fhoghlama atá sa churaclam. Scrúdaítear ról an mhúinteora, na dtuismitheoirí, na bainisteoireachta scoile, agus ról na scoile sa phobal áitiúil.

I gCaibidil 3 pléitear saincheisteanna ríthábhachtacha sa bhunoideachas, ina n-áirítear mianach an oideachais, litearthacht agus uimhearthacht, mothú féiniúlachta Éireannaí, an Ghaeilge, an diminsiún spioradálta, na diminsiúin Eorpacha agus dhomhanda, iolrachas, teacht cothrom cóir ar an oideachas, páirtíocht, oideachas eolaíochta agus TFC. Leagtar béim freisin ar oideachas na luath-óige, ar thrasdul ón mbunoideachas go dtí an t-iar-bhunoideachas agus ar an bhfoghlaim ar feadh an tsaoil.

I gCaibidil 4 déantar sainaidhmeanna agus cuspóirí ginearálta an churaclaim a scrúdú.

I gCaibidil 5 tugtar sonraí maidir le struchtúr an churaclaim, ina gcuimsítear forbhreathnú ar achair an churaclaim agus ar an tábhacht a bhaineann le forbairt iomlánaíoch chomchuí an pháiste.

I gCaibidil 6 tugtar míníu ar chur i bhfeidhm an churaclaim agus dáileadh ama.