Ní mór raon acmhainní a sholáthar lena chur ar chumas páistí tabhairt faoi iniúchtaí eolaíochta. Moltar go n-ullmhódh gach scoil aonair liosta den trealamh a bheidh ag teastáil chun an clár eolaíochta a shamhlaítear sa phlean scoile a chur i gcrích.
Beidh na hábhair chéanna is a úsáidtear in achair eile den churaclam ag teastáil in go leor de ghnéithe an chláir eolaíochta (rudaí mar shiosúir, ghliú, rialóirí, chorda nó phéint). I gcás topaicí eolaíochta áirithe beidh ábhair inchaite mar ghaineamh, shiúcra, shalann nó bhianna triomaithe ag teastáil. Úsáidfear earraí inúsáidte ar féidir iad a bhailiú gan dua as an bhfuíoll tí le haghaidh topaicí eile fós -- earraí cosúil le buidéil phlaisteacha, searróga, stáin, claibíní, spóil snátha, agus potaí iógairte.
I dTábla 1 liostaítear na hábhair a d'fhéadfadh a bheith ag teastáil chun na snáitheanna agus na snáithaonaid éagsúla sa chlár eolaíochta a chur i bhfeidhm. Liostaítear na hábhair a d'fhéadfadh a bheith riachtanach le haghaidh ceann de chomhpháirteanna deartha agus déanta an churaclaim i dTábla 2. Tá cuid de na hábhair seo nach féidir iad a fháil ach amháin ó shainsoláthraithe ábhar eolaíochta. Ba chóir go gcinnfeadh scoileanna cé acu de na hábhair seo is fearr a d'oirfeadh dá riachtanais féin.
| Tábla 1 Acmhainní a bheidh ag teastáil don chlár eolaíochta |
| Snáithe agus snáithaonaid | Acmhainní |
| Dúile Beo | |
| Mise/An bheatha dhaonna | - scátháin (plaisteacha)
- bataí méadair
- cairt airde
- teirmiméadar
- ribín tomhais
- scálaí seomra fholctha
|
| Plandaí agus ainmhithe | - cróca bláthanna
- gabhdáin feithidí
- liáin bheaga
- uisceadán
- seanspúnóga
- leatháin pheirspéacs nó phlaistigh
- canna uisce
- feadáin phlaisteacha
|
| Fuinneamh agus fórsaí |
| Maighnéadas agus leictreachas | - maighnéid (cnuasach ina mbeidh idir bharra-mhaighnéid, mhaighnéid ar dhéanamh cnaipe agus chrú-mhaighnéid)
- cróite bolgán scriúch
- mionrabh iarainn
- fáiscíní crogaill
- snáthaidí
- sreang
- compáis
- dordánaithe leictreacha
- cnuasach d'ábhair mhaighnéadacha
- cloig leictreacha
- mótair leictreacha
- cnuasach de mhiotail éagsúla
- greamaire scamhtha sreinge
- flocas cruach
- scriúirí
|
| Solas | - tóirsí
- scátháin chuara
- scátháin phlánacha
- bloic ghloine agus priosmaí triantánacha
- earraí lonracha ar féidir leas a bhaint astu mar scátháin:
- spúnóga, claibín bosca brioscaí, miotal leatháin
- ábhair thrédhearcacha, ábhair thréshoilseacha agus ábhair theimhneacha
- scagairí dathanna
- coinnle
- lionsaí seanspéaclaí
- teilgeoir
|
| Teas | |
| Fuaim | - gabhlóga tiúnta
- bandaí rubair (de mhéideanna agus de thiúis dhifriúla)
- téada giotáir
|
| Fórsaí | - bréagáin rothacha
- ola, geir, snasán, céir
- claonán
- páirín
- lingeáin
- meicníochtaí: tlú, greamairí, cnóire, bréagáin, seanchlog srl
- meáchain
- mirlíní
- liathróidí
- miontrealamh tógála ar nós Meccano: rothaí, ulóga, slata acastóra, giaranna
- orláistí
- stadchloig, staduaireadóirí
- balúin
- steallairí plaisteacha
- ulóga
|
| Ábhair | - tonnadóirí
- leatháin, bloic, liathróidí agus coirníní polaistiríne
- criathair, plaisteach, mogaill éagsúla
- samplaí d'fhabraicí agus de shnáithíní difriúla
- ábhar dathaithe bia
- saghsanna difriúla gallúnaí agus glantóirí
- ábhair ruaimneoireachta
- ábhair as an gcistin nó as an seomra folctha (siúcra, salann, sóid, cailc, ola, uisce sóide, aoluisce, tae, caife, salann folctha, plúr)
- samplaí de mhiotail éagsúla
- púróga, clocha, brící, carraigeacha
- samplaí de shaghsanna éagsúla adhmaid agus de rudaí difriúla déanta d'adhmad
- samplaí de shaghsanna éagsúla páipéir (páipéar súite, páipéar síoda, tuáillí páipéir, páipéar céarach, páipéar gréiscdhíonach, páipéar nuachtáin)
- coirc
|
| Tabla 2 Fearas agus ábhair a bhíonn ag teastáil le haghaidh deartha agus déanta |
| Snáithaonaid | Acmhainní |
| Ag iniúchadh | - miontrealamh tógála ar nós Lego Technic, K'nex, Fischer, Technik, Meccano, Master Builder
- meicníochtaí -- buailteoir ubh, teannaire rothair, crann ardaithe, bacán, bréagáin
|
| Ag déanamh | - casúr agus tairní
- cnónna agus boltaí
- sábha miotail agus lainn bhreise
- gliú adhmaid
- teanntán
- páirín
- scriúire agus scriúnna
- scian cheardaí
- druilire láimhe
- rialóirí agus siosúir
- fáiscíní
- rinsí
- snáthaid
- roth gearrtha
- teanntán-G
|
| Ábhair inchaite | Earraí inúsáidte as an bhfuíoll tí |
- Marla
- Plástar Pháras
- cré
- cnuasach d'fhabraicí agus de shnáithíní
- fáiscíní -- fáiscíní Bulldog, fáiscíní páipéir, fáiscíní gruaige, pionnaí éadaigh
- adhmaid bhoga
- scragall
- miotail
- aicéatáit
- plaisteach
- rubar
- duail d'fhaid agus de thiúis éagsúla
- sreang thanaí
- corda agus snáitheanna
- greamacháin
- péinteanna
| - buidéil phlaisteacha de mhéideanna éagsúla
- soip phlaisteacha
- scragall alúmanaim
- spóil snátha
- stáin
- cnuasach de bhoscaí folmha, de chlaibíní, de ghabhdáin, agus d'fheadáin
- crochadáin chóta
- bloic agus coirníní polaistiréine
- corda agus cláir fuíll
- coirc de mhéideanna éagsúla
|