Bunstruchtúr agus téarmaíocht
Tá ábhar an churaclaim eolaíochta roinnte i gceithre leibhéal: ábhar do ranganna naíonán, ábhar do ranganna 1 agus 2, ábhar do ranganna 3 agus 4, agus ábhar do ranganna 5 agus 6. Ag gach leibhéal tá an t-ábhar roinnte in dhá roinn éagsúla:
- snáitheanna ábhair, a rianaíonn an t-ábhar a d'fhéadfaí a chuimsiú sa chlár eolaíochta:
Dúile beo
Ábhair
Fuinneamh agus fórsaí
Feasacht agus cúram imshaoil - snáithe ar scileanna, a chuimsíonn:
Ag obair go heolaíoch
Ag dearadh agus ag déanamh.
Laistigh de gach snáithe tá go leor topaicí ar a dtugtar snáithaonaid; is iad siúd na bunranna ábhair a shaothrófar.
Is é cuspóir atá le cur i láthair an ábhair sa dá roinn seo ná cuidiú le múinteoirí agus iad ag pleanáil chun scileanna tábhachtacha a fhorbairt de réir mar a shealbhaítear eolas agus tuiscint ar choincheapa agus idéanna eolaíocha.