Forbairt scileanna do ranganna naíonán
De thoradh snáithaonaid churaclam na matamaitice a chríochnú ba chóir go gcuirfí ar chumas an pháiste
Cur i bhfeidhm agus réiteach fadhbanna
- ábhair agus próisis oiriúnacha a roghnú le haghaidh tascanna matamaiticiúla
- straitéisí oiriúnacha chun tasc a thabhairt chun críche nó chun fadhb a réiteach a roghnú agus a chur i bhfeidhm
- réitigh ar fhadhbanna a aithint
Cumarsáid agus cur in iúl
- gníomhaíochtaí matamaiticiúla a phlé agus a mhíniú
- torthaí gníomhaíochtaí matamaiticiúla a chlárú go nithiúil agus léaráidí, pictiúir agus uimhreacha a úsáid chuige sin
- fadhbanna a chuirfí i láthair go nithiúil, go pictiúrtha nó ó bhéal a phlé
Comhtháthú agus nascadh
- idéanna matamaiticiúla a shealbhódh sé/sí go neamhfhoirmiúil a cheangal le hidéanna foirmiúla
- matamaitic a aithint sa timpeallacht
- an gaol idir dóigheanna ó bhéal, nithiúla, pictiúrtha agus siombalacha chun uimhreacha a léiriú a aithint
- gníomhaíochtaí matamaiticiúla atá bainteach le gnéithe eile den churaclam a chomhall
Réasúnaíocht
- rudaí a rangú in aicmí loighciúla
- patrúin inbhraite a aithint agus a chruthú
- bonn le próisis nó le torthaí gníomhaíochtaí a thabhairt
Cur i bhfeidhm
- straitéisí meabhracha agus bealaí oibre a bheartú agus a úsáid chun tascanna matamaiticiúla a chomhall
- láimhseoga cuí a úsáid chun tascanna agus próisis sa mhatamaitic a chomhall
Tuiscint agus tabhairt chun cuimhne
- téarmaíocht a thabhairt chun cuimhne agus a thuiscint.
Snáithe: Luathghníomhaíochtaí matamaiticiúla
Ábhar do naíonáin shóisearacha
Snáithaonad: Rangú
Ba chóir go gcúirfí ar chumas an pháiste
- rudaí a rangú ar bhonn tréithe amháin, mar shampla dath, cruth, uigeacht nó méid
- bailiúcháin de rudaí a shórtáil
- rudaí cosúla a shuimiú le tacar atá sonraithe go soiléir
- comhlánú tacair a aithint (.i. baill nach bhfuil i dtacar)
- rudaí is maith liom/nach maith liom a chur in aicmí
- rudaí dearga/rudaí nach bhfuil dearg.
Snáithaonad: Meaitseáil
Ba chóir go gcúirfí ar chumas an pháiste
- tacair choibhéiseacha agus neamhchoibhéiseacha a mheaitseáil, ag úsáid comhfhreagrais aon lena haon
- péirí de rudaí comhionannacha a mheaitseáil i gcomhfhreagras aon lena haon: cipíní líreacáin, ciúbanna Unifix péirí de rudaí gaolmhara a mheaitseáil i gcomhfhreagras aon lena haon: forcanna agus sceana a leagan amach, cnaipí ar chótaí a cheangal, claibíní a chur ar phannaí tacair choibhéiseacha agus neamhchoibhéiseacha a mheaitseáil d'fhonn coincheap mar níos mó ná, níos lú ná, dóthain, cóimhéid le a bhunú.
Snáithaonad: Comparáid a dhéanamh
Ba chóir go gcúirfí ar chumas an pháiste
- rudaí a chur i gcomparáid maidir le fad, leithead, airde, meáchan, cainníocht, tiús, méid
- déan comparáid idir phéirí de rudaí den saghas céanna ach atá difriúil i bhfad, agus an gá le bunlíne nó túsphointe a nótáil péirí de phinn luaidhe a chur i gcomparáid cad é an difríocht idir ceann amháin agus an chéad cheann eile?
fada/gearr, níos faide/níos giorra
- tacair a chur i gcomparáid gan chomhaireamh
- níos mó ná agus níos lú ná.
Snáithaonad: Cur in ord
Ba chóir go gcúirfí ar chumas an pháiste
- rudaí a chur in ord de réir faid nó airde
- scrúdaigh trí rud agus tabhair cuntas ar an difríocht idir gach ceann acu agus an ceann roimhe rudaí a chur in ord de réir faid nó airde, ag tosú le rud difriúil gach uair rudaí nua a chur in ord chun tacar cosúil le ceann ar leith a dhéanamh
- tacair a chur in ord gan chomhaireamh.
Snáithe: Uimhreas
Snáithaonad: Comhaireamh
Ábhar do naíonáin shóisearacha
Ba chóir go gcuirfí ar chumas an pháiste
- an líon rudaí i dtacar a chomhaireamh, 1-10
- rudaí a chomhaireamh, á gcur i leataobh lena linn
- línte nó sraitheanna rialta a chomhaireamh roimh ghrúpaí fánacha
- rímeanna agus scéalta uimhris a úsáid.
Ábhar do naíonáin shinsearacha
Ba chóir go gcuirfí ar chumas an pháiste
- an líon rudaí i dtacar a chomhaireamh, 0 - 20
- an tacar céanna a chomhaireamh go minic, ag tosú le ball difriúil gach uair
- patrúin agus sraitheanna difriúla den uimhir chéanna a chur i láthair.
Snáithaonad: Comparáid agus ordú
Ábhar do naíonáin shóisearacha
Ba chóir go gcuirfí ar chumas an pháiste
- tacair choibhéiseacha agus neamhchoibhéiseacha (1-5) a chur i gcomparáid trí mheaitseáil gan siombailí a úsáid
- eaitseáil aon lena haon a úsáid chun ionannas agus neamhionannas a aithint (níos mó ná/níos lú ná/ionann le)
- cláraigh trí líníocht
- tacair de rudaí a ordú de réir uimhreacha, 1-5
- tacair de rudaí a chóiriú de réir méid
- maidí agus uimhirstiallacha a ordú de réir faid
- uimhirchártaí a ordú; iad a mheaitseáil le tacair agus le patrúin uimhris
- teanga orduimhreach a úsáid: an chéad, deireanach
- cé hé/hí an chéad duine/an duine deireanach sa líne?
- is é dearg an chéad dath, is é gorm an dath deireanach.
Ábhar do naíonáin shinsearacha
Ba chóir go gcuirfí ar chumas an pháiste
- tacair choibhéiseacha agus neamhchoibhéiseacha (0-10) a chur i gcomparáid trí mheaitseáil
- an neamhionannas a ainmniú: tá dhá cheann de bhreis agam ort; tá 3 níos lú ná 5
- tacair de rudaí a ordú de réir uimhreacha, 0 - 10
- teanga orduimhreach a úsáid: an chéad, dara, tríú, deireanach
- orduimhir a úsáid chun suíomh ar líne a thabhairt an teanga seo a úsáid le linn uimhreacha a ordú.
Snáithaonad: Anailís uimhris
Ábhar do naíonáin shóisearacha
Ba chóir go gcuirfí ar chumas an pháiste
Cónascadh
- comhpháirteanna uimhreacha, 1-5, a iniúchadh
- slite a aithint inar féidir na huimhreacha a léiriú le rudaí nithiúla:
4 agus 1, 2 agus 2, 1 agus 2 agus 1 - péirí d'fhíorais ghaolmhara a aithint: 1 agus 2 cothrom le 2 agus 1
- tacair de rudaí a chur le chéile, iomláin go dtí 5
- ball breise a chur le tacar ar leith
dhá thacar a chur le chéile, an t-iomlán a thabhairt - clárú go pictiúrtha
Foroinnt
- tacair de rudaí, 1-5, a fhoroinnt
- tacair de rudaí a fhoroinnt le peann luaidhe nó le sop chun na comhpháirteanna a thaispeáint
- clárú go pictiúrtha
Uimhriú
- tuiscint ar neamhaithreacht uimhris, 1-5, a fhorbairt
- sraitheanna cuspaí a athchóiriú, a chomhaireamh agus a thabhairt faoi deara nach n-athraíonn an uimhir
- uimhreacha, 1-5, a léamh, a scríobh, agus a chur in ord
- tacair a mheaitseálann uimhir a chur i láthair agus a mhalairt de dhóigh
- áiritheoirí nó nithe eile a úsáid chun uimhirphatrúin a chumadh
- uimhreacha a ghearradh as páipéar gainimh nó as cairpéad agus iad a rianú
- uimhreacha a líniú i ngaineamh nó le crián tiubh
- an tacar folamh agus an uimhir nialas a aithint
- ciseán folamh a thaispeáint; cé mhéad úll ann?
- pinn luaidhe a thógáil as próca go dtí nach bhfágtar ceann ar bith; taispeáin an uimhir
- comhair siar go nialas
- rainn le huimhreacha agus le comhaireamh siar
- an líon rudaí, 1-5, i dtacar a insint le sracfhéachaint
- an líon rudaí i dtacar a insint le sracfhéachaint
- meastachán a dhéanamh agus tacar atá ar eolas á úsáid
- tacair eile a rangú, gan chomhaireamh, mar níos lú ná/thart ar an méid céanna le/níos mó ná an tacar atá ar eolas
- fadhbanna simplí ó bhéal a réiteach, 0-5
- tá trí cheapaire agat don lón, itheann tú dhá cheann,
- cé mhéad atá fágtha? Is féidir nialas a úsáid nuair nach mbíonn ceann ar bith fágtha
- tá dhá chrián ag Siobhán, tá trí chrián ag Seán, cé mhéad ar fad?
- tugann an múinteoir fadhb ó bhéal, úsáideann na páistí
- áiritheoirí lena réiteach.
Ábhar do naíonáin shinsearacha
Ba chóir go gcuirfí ar chumas an pháiste
Cónascadh
- comhpháirteanna uimhreacha, 1-10, a iniúchadh
- tacair de rudaí a chur le chéile, iomláin go dtí 10
- straitéisí oiriúnacha a úsáid: gach rud a chomhaireamh,
- comhaireamh ar aghaidh
comhaireamh ar aghaidh ar an uimhirstiall
- tosú ag 5, comhaireamh ar aghaidh 3, cá bhfuilim?
- comhaireamh ó bhéal gan an uimhirstiall
- a dó nó a trí de thacair a chur le chéile, an t-iomlán a thabhairt
- clárú
Foroinnt
- tacair de rudaí, 0-10, a fhoroinnt
- tá ochtar ar mo fhoireann. Is cailíní seisear acu, cé mhéad buachaill uirthi?
- clárú go pictiúrtha
- na siombailí + agus = a úsáid chun uimhirabairtí le suimiú iontu a chumadh
- níor cheart siombailí a thabhairt isteach go foirmiúil gan dóthain oibre ó bhéal agus iniúchta a bheith déanta
- ní foláir ciall na siombailí a phlé go minic
- ní fhógraíonn an comhartha 'go leanann an freagra é': is ionann 'cothrom le' agus 'mar an gcéanna' nó coibhéiseach; iniúchadh a dhéanamh agus uimhirmheá in úsáid
Uimhriú
- tuiscint ar neamhathraitheacht uimhris, 0-10, a fhorbairt
- uimhreacha, 0-10, a léamh, a scríobh, agus a chur in ord
- an tacar folamh agus an uimhir nialas a aithint
- an líon rudaí i dtacar a mheas, 2-10
- an meastachán a dhearbhú trí chomhaireamh
- fadhbanna simplí, ó bhéal agus i bpictiúir, a réiteach, 0-10
- is féidir scéalfhadhbanna agus ceisteanna taighde ceannoscailte a áireamh i measc na bhfadhbanna
- cé mhéad bealach difriúil ar féidir leat patrún a dhéanamh le sé áiritheoir?
Snáithe: Ailgéabar
Snáithaonad: Patrúin a fhorleathnú
Ábhar do naíonáin shóisearacha
Ba chóir go gcuirfí ar chumas an pháiste
- patrúin i ndath, i gcruth agus i méid a aithint, a chóipeáil, agus a fhorleathnú
- leanúint leis an bpatrún, ag úsáid raon de rudaí:
- ciúbanna, coirníní; cad é an chéad rud eile?
- cumann páistí a bpatrúin féin, ag úsáid cruthanna déanta de pháipéar gumaithe; dhá dhath, dhá chruth, dhá thoise
- is féidir cláir ríomhaire a úsáid de réir mar is cuí
- torthaí a phlé.
Comhtháthú
Na hAmharcealaíona: Déanamh priontaí
Ábhar do naíonáin shinsearacha
Ba chóir go gcuirfí ar chumas an pháiste
- patrúin i ndath, i gcruth, i méid agus in uimhreacha (a trí nó a ceathair de bhaill) a aithint, a chóipeáil, agus a fhorleathnú
- patrúin a chóipeáil agus a leathnú, ag úsáid coirníní agus blocanna, trí líníocht agus dathú;
- m.sh. dhá cheann ghorma, trí cinn dhearga; trí chiorcal, cearnóg amháin;
- dhá choirnín mhóra, coirnín beag amháin; dearg, gorm, buí
- torthaí a phlé
- sraitheanna difriúla d'uimhir amháin a fhionnachtan
- déanann an múinteoir patrún (sraith), ag úsáid roinnt áiritheoirí; cumann an páiste sraith eile leis an líon céanna áiritheoirí
- cé mhéad patrún difriúil de dheich gcinn ar féidir leat a dhéanamh?
- cé mhéad uimhir ar féidir leat a rangú i bpéirí?
- patrúin a aithint agus na chéad uimhreacha eile iontu a réamhinsint
- aimsigh na huimhreacha atá in easnamh:
2, 3, 4, , 6, 7
10, 9, , , 6, 5, 4, 3, , .
Comhtháthú
Na hAmharcealaíona: Déanamh priontaí
Snáithe: Cruth agus spás
Snáithaonad: Feasacht ar spásúlacht
Ábhar do naíonáin shóisearacha
Ba chóir go gcuirfí ar chumas an pháiste
- an foclóir a bhaineann le coibhneasa spásúla a iniúchadh, a phlé, a fhorbairt agus a úsáid
- suíomh: thar, faoi, suas, síos, ar, le hais
- i treonna: ag gluaiseacht i línte díreacha/cuara, i gciorcal, ag aimsiú spáis phearsanta.
Ábhar do naíonáin shinsearacha
Ba chóir go gcuirfí ar chumas an pháiste
- an foclóir a bhaineann le coibhneasa spásúla a iniúchadh, a phlé, a fhorbairt, agus a úsáid
- suíomh: os cionn, faoi bhun, gar do, i bhfad ó, deas, clé,
- stop agus inis cá bhfuil tú
- treo: tríd an bhfonsa, laistiar den mhata
- stop agus déan cur síos ar do ghníomh.
Snáithaonad: Cruthanna 3-T
Ábhar do naíonáin shóisearacha
Ba chóir go gcuirfí ar chumas an pháiste
- cruthanna 3-T, idir rialta agus neamhrialta, a shórtáil
- rudaí a/nach rollann, a/nach luíonn le chéile
- tógálacha a dhéanamh le cruthanna 3-T agus iad a phlé
- fadhbanna agus tascanna bunaithe ar chruth a réiteach.
Ábhar do naíonáin shinsearacha
Ba chóir go gcuirfí ar chumas an pháiste
- cruthanna 3-T a shórtáil, cuntas a thabhairt orthu, agus iad a aimniú: ciúb, ciúbóideach, sféar agus sorcóir
- faobhar, cúinne, aghaidh, díreach, cuar, cruinn agus leibhéalta
- cruthanna a shórtáil de réir rialacha, m.sh. rudaí le ceithre aghaidh, rudaí a rollann
- cruthanna 3-T a chur le chéile chun cruthanna eile a dhéanamh
- fadhbanna is tascanna bunaithe ar chruth a réiteach.
Snáithaonad: Cruthanna 2-T
Ábhar do naíonáin shóisearacha
Ba chóir go gcuirfí ar chumas an pháiste
- cruthanna 2-T -- cearnóg, ciorcal, triantán, dronuilleog -- a shórtáil agus a ainmniú
- sórtáil faoi threoir ar chruthanna déthoiseacha, ag baint feidhme as critéir éagsúla
- m.sh. neamhchruinn, tiubh/tanaí
- ábhair fhorganta oiriúnacha a úsáid chun pictiúir a dhéanamh
- fadhbanna bunaithe ar chruth a réiteach
- cé acu dhá chruth a thagann le chéile chun cearnóg a chlúdach?
Comhhtháthú
Corpoideachas: Damhsa; Gleacaíocht
Gníomhaíochtaí lasmuigh agus gníomhaíochtaí eachtraíochta
Na hAmharcealaíona: Tógáil
Ábhar do naíonáin shinsearacha
Ba chóir go gcuirfí ar chumas an pháiste
- cruthanna 2-T -- cearnóg, ciorcal, triantán, dronuilleog -- a shórtáil, cur síos a dhéanamh orthu, agus iad a ainmniú
- cruthanna éagsúla a bhailiú agus a shórtáil
- m.sh. díreach, cuar, cothrom, slios, uillinn
- cruthanna a dhéanamh le sopanna ealaíne ar gheochlár
- cruthanna sa timpeallacht a tharraingt
- cruthanna 2-T a chur le chéile agus a fhoroinnt chun cruthanna níos mó nó níos lú a dhéanamh
- cruthanna páipéir a ghearradh in dhá nó i gceithre
- phíosa agus na torthaí a phlé
- fadhbanna bunaithe ar chruth agus spás a réiteach
- cruth a dhéanamh le seacht mbloc
- cé mhéad cruth éagsúil ar féidir leat a dhéanamh le cúig bhloc?
- treoracha simplí gluaiste agus casta a thabhairt.
Comhhtháthú
Corpoideachas: Damhsa; Gleacaíocht
Gníomhaíochtaí lasmuigh agus gníomhaíochtaí eachtraíochta
Na hAmharcealaíona: Tógáil
Snáithe: Tomhais
Snáithaonad: Fad
Ábhar do naíonáin shóisearacha
Ba chóir go gcuirfí ar chumas an pháiste
- tuiscint ar choincheap faid a fhorbairt trí iniúchadh, trí dhíospóireacht agus trí fhoclóir oiriúnach a úsáid
- rudaí sa timpeallacht a phlé: fada/gearr, ard/íseal, leathan/cúng, níos faide ná, níos giorra ná, níos leithne ná
- rudaí a shórtáil ar bhonn faid
- rudaí a chur in ord agus i gcomparáid ar bhonn faid nó airde.
Comhtháthú
Ceol: Ag cothú léirthuiscint ar ré; Litearthacht luath
Ábhar do naíonáin shinsearacha
Ba chóir go gcuirfí ar chumas an pháiste
- tuiscint ar choincheap faid a fhorbairt trí iniúchadh, trí dhíospóireacht agus trí fhoclóir oiriúnach a úsáid
- rudaí a chur in ord agus i gcomparáid ar bhonn faid nó airde
- chomh fada le/chomh leathan le/is faide/is giorra a thuiscint
- fad a mheas agus a thomhas in aonaid neamhchaighdeánacha
- meastachán a dhéanamh agus é a dhearbhú trí thomhas
- i do thuairim cé mhéad cipín líreacáin a luífidh ar feadh an bhoird? tuairim a chaitheamh, dearbhú agus plé
- aonaid neamhchaighdeánacha chuí a roghnú agus a úsáid chun fad, leithead nó airde a thomhas; na cúiseanna leis an rogha a phlé
- fadhbanna simplí a chur i láthair:
- Conas is féidir linn a fháil amach cé acu is leithne, an doras nó an bord?
- Cé acu aonad a úsáidfimid (maide nó peann luaidhe)?
Comhtháthú
Ceol: Ag cothú léirthuiscint ar ré; Litearthacht luath
Snáithaonad: Meáchan
Ábhar do naíonáin shóisearacha
Ba chóir go gcuirfí ar chumas an pháiste
- tuiscint ar choincheap meáchain a fhorbairt trí iniúchadh, trí rudaí a láimhsiú, agus trí fhoclóir oiriúnach a úsáid
- trom/éadrom, níos troime/níos éadroime, ar chóimheá, meá
- rudaí a shórtáil i dtacair de rudaí atá trom nó éadrom
- rudaí a láimhsiú agus foclóir meáchain a úsáid chun cur síos orthu
- rudaí a chur i gcomparáid ar bhonn meáchain
- fadhbanna simplí a chur i láthair, m.sh. meas a thabhairt (tuairim a chaitheamh) trí láimhsiú
- cé acu rud is troime nó is éadroime?
- dearbhú a dhéanamh le meá; plé a dhéanamh
- péire rudaí atá dealraitheach le chéile ach atá éagsúil ó thaobh meáchain a chur i gcomparáid le chéile, m.sh. liathróid ghailf agus liathróid phlaisteach scuaise.
Ábhar do naíonáin shinsearacha
Ba chóir go gcuirfí ar chumas an pháiste
- tuiscint ar choincheap meáchain a fhorbairt trí iniúchadh, trí rudaí a láimhsiú, agus trí fhoclóir oiriúnach a úsáid
- rudaí a chur i gcomparáid agus in ord ar bhonn meáchain
- rudaí atá éagsúil i méid, cruth agus meáchan a chur i gcomparáid trí láimhsiú
- dearbhú a dhéanamh le meá agus plé a dhéanamh
- rud a chur i gcomparáid le cnuasach rudaí
- cnuasach amháin rudaí a chur i gcomparáid le cnuasach eile
- trí rud a chur in ord de réir meáchain trí láimhsiú; dearbhú a dhéanamh le meá; plé a dhéanamh
- meastachán agus meá a dhéanamh le haonaid neamhchaighdeánacha
- dearbhaigh le meá
- fadhbanna simplí a chur i láthair:
- cé mhéad úll, i do thuairim, a chothromóidh do bhosca lóin?
- aonaid neamhchaighdeánacha chuí a roghnú agus a úsáid chun rudaí a mheá
- fadhbanna simplí a chur i láthair:
- Conas is féidir linn meáchan cloiche a aimsiú?
- Cé acu aonad a úsáidfimid (cipíní lasán nó cnónna capaill)?
- cúiseanna leis an rogha a phlé.
Comhtháthú
Tíreolaíocht: Timpeallacht dhaonna
Snáithaonad: Toilleadh
Ábhar do naíonáin shóisearacha
Ba chóir go gcuirfí ar chumas an pháiste
- tuiscint ar choincheap toillidh a fhorbairt trí iniúchadh agus trí fhoclóir cuí a úsáid
- lán/beagnach Ián/folamh/toilleann breis
- ann/toilleann níos lú ann/toilleann an méid céanna iontu
- soithigh atá éagsúil ó thaobh méid a líonadh agus a fholmhú; é a phlé
- soithigh a úsáid chun soithigh atá níos mó ná iad féin a líonadh
- soithigh a chur i gcomparáid lena chéile ó thaobh toillidh
- soithigh éagsúla a úsáid; é a phlé
- béim a chur ar gurb ionann lán agus lán go barr
- fadhbanna simplí a chur i láthair:
- an dóigh leat go dtoilleann níos mó gainimh sa phróca nó sa chupán?
- an dtoillfidh an t-uisce go léir atá sa chrúsca cupán?
Ábhar do naíonáin shinsearacha
Ba chóir go gcuirfí ar chumas an pháiste
- tuiscint ar choincheap toillidh a fhorbairt trí iniúchadh agus trí fhoclóir cuí a úsáid
- soithigh a chur i gcomparáid lena chéile agus in ord de réir toillidh
- soitheach amháin a líonadh agus a bhfuil ann a dhoirteadh isteach i gceann eile
- comparáid a dhéanamh idir toilleadh dhá shoitheach atá anéagsúil agus tabhairt faoi deara gur féidir leo araon an méid céanna a choimeád
- trí shoitheach a chur i gcomparáid agus in ord de réir
- toillidh; lipéid a chur orthu, m.sh. toilleann níos mó ann/toilleann an méid is mó ann
- toilleadh a mheas agus a thomhas in aonaid neamhchaighdeánacha
- fadhbanna simplí a chur i láthair:
- déan meastachán (tuairim a chaitheamh) cé mhéad spúnóg nó ubhchupán gainimh nó pis thirim a líonfaidh an cupán
- cé mhéad crúiscín uisce a líonfaidh an buicéad?
- an t-aonad céanna a úsáid chun dhá shoitheach dhifriúla a líonadh, dearbhaigh trí thomhas
- torthaí a chlárú ag úsáid áiritheora amháin do gach
- cupán nó crúiscín a doirteadh, na páistí ag obair i mbeirteanna
- aonaid neamhchaighdeánacha chuí a roghnú agus a úsáid chun toilleadh a thomhas
- fadhbanna simplí a chur i láthair:
- Conas is féidir linn toilleadh an bhuicéid a fháil?
- Cé acu aonad a úsáidfimid (taespúnóg nó cupán)?
- na cúiseanna leis an rogha a phlé.
Snáithaonad: Am
Ábhar do naíonáin shóisearacha
Ba chóir go gcuirfí ar chumas an pháiste
- tuiscint ar choincheap ama a fhorbairt trí úsáid a bhaint as foclóir cuí
- maidin/tráthnóna, oíche/lá, am lóin, am codlata, moch/déanach, laethanta na seachtaine, laethanta scoile, deireadh seachtaine
- foclóir ama a úsáid chun imeachtaí a phlé
- an aimsir a chlárú ar chairt gach lá
- imeachtaí laethúla agus céimeanna scéil a chur in ord leanúnach
- cuireann na páistí imeachtaí coitianta in ord
- pictiúir a chur in ord ama
- imeachtaí i scéalta agus i rainn choitianta a chur in ord ama.
Comhtháthú
Stair: Mé féin agus mo theaghlach
Tíreolaíocht: An domhan fisiceach
Ábhar do naíonáin shinsearacha
Ba chóir go gcuirfí ar chumas an pháiste
- tuiscint ar choincheap ama a fhorbairt trí úsáid a bhaint as foclóir cuí
- inné/inniu/amárach/séasúir/go luath/níl fós/lá breithe
- imeachtaí suntasacha, féilte, laethanta saoire
- imeachtaí laethúla agus seachtainiúla agus céimeanna i scéal a chur in ord leanúnach
- tráthanna suntasacha i rith an lae a phlé
- seicheamh ama maidir le ceithre imeacht sa lá scoile a chlárú ó bhéal agus i bpictiúir
- leabhar gearrthóg de 'mo lá' a dhéanamh
- tugann na páistí earráidí i seicheamh faoi deara agus pléann siad iad
- am a léamh in achair uair an chloig.
Comhtháthú
Stair: Mé féin agus mo theaghlach
Tíreolaíocht: An domhan fisiceach
Snáithaonad: Airgead (le húsáid go dtí go dtagann an euro i bhfeidhm)
Ábhar do naíonáin shóisearacha
Ba chóir go gcuirfí ar chumas an pháiste
- boinn airgid (go dtí 5p) a aithint agus a úsáid
- boinn 1p, 2p agus 5p a shórtáil agus a ainmniú
- boinn chuí a roghnú do ghníomhaíochtaí
- simplí siopadóireachta
- Foclóir cuí a úsáid: ceannaigh, díol, caith, boinn, pinginí, cé mhéad?
- tascanna praiticiúla agus fadhbanna bunaithe ar airgead a réiteach.
Ábhar do naíonáin shinsearacha
Ba chóir go gcuirfí ar chumas an pháiste
- boinn airgid go dtí 20p a aithint agus boinn go dtí 10p a úsáid
- líon áirithe de bhoinn a mhalartú ar bhonn amháin den luach céanna agus a mhalairt de dhóigh
- boinn a úsáid i ngníomhaíochtaí siopadóirechta; na boinn airgid chuí a thairiscint agus sóinseáil a ríomh
- foclóir cuí a úsáid: costas, praghas, saor/daor, sóinseáil, an iomad/gan go leor
- tascanna praiticiúla agus fadhbanna bunaithe ar airgead a réiteach
- cé na rudaí is féidir a cheannach le bonn airgid áirithe?
- caith an tsuim chéanna airgid in dhá shlí dhifriúla.
Snáithaonad: Airgead - euro
Ábhar do naíonáin shóisearacha
Ba chóir go gcuirfí ar chumas an pháiste
- boinn airgid (go dtí 5 cent) a aithint agus a úsáid
- boinn go dtí 5 cent a shórtáil agus a ainmniú
- boinn chuí a roghnú do ghníomhaíochtaí simplí siopadóireachta
- Foclóir cuí a úsáid: ceannaigh, díol, caith, boinn, cé mhéad?
- tascanna praiticiúla agus fadhbanna bunaithe ar airgead a réiteach.
Ábhar do naíonáin shinsearacha
Ba chóir go gcuirfí ar chumas an pháiste
- boinn airgid go dtí 20 cent a aithint agus boinn go dtí 10 cent a úsáid
- líon áirithe de bhoinn a mhalartú ar bhonn amháin den luach céanna agus a mhalairt de dhóigh
- boinn a úsáid i ngníomhaíochtaí siopadóirechta; na boinn airgid chuí a thairiscint agus sóinseáil a ríomh
- foclóir cuí a úsáid: costas, praghas, saor/daor, sóinseáil, an iomad/gan go leor
- tascanna praiticiúla agus fadhbanna bunaithe ar airgead a réiteach
- cé na rudaí is féidir a cheannach le bonn airgid áirithe?
- caith an tsuim chéanna airgid in dhá shlí dhifriúla.
Snáithe: Sonraí
Snáithaonad: Sonraí a aithint agus a léirmhíniú
Ábhar do naíonáin shóisearacha
Ba chóir go gcuirfí ar chumas an pháiste
- tacair de rudaí a shórtáil agus a rangú de réir critéir amháin
- bailiúcháin a shórtáil ar bhonn datha, crutha, méid, uigeachta agus feidhme
- tacair chothroma agus éagothroma a mheaitseáil
- go leor/níos mó ná/cóimhéid le/níos lú ná
- tacar de shonraí simplí matamaiticiúla a léiriú agus a léirmhíniú agus réada, samhla agus pictiúir in úsáid
- léiríonn páistí an tacar roghnaithe go nithiúil agus i bpictiúir
- aithníonn páistí an comhfhreagras uimhriúil idir pictiúir agus rudaí, m.sh. tacar na bpáistí a raibh úll acu don lón
Ábhar do naíonáin shinsearacha
Ba chóir go gcuirfí ar chumas an pháiste
- tacair de rudaí a shórtáil agus a rangú de réir critéir amháin agus de réir dhá cheann
- sórtáil in dhá ghrúpa de réir critéir amháin: le/gan rotha, atá/nach bhfuil dearg
- sórtáil de réir dhá chritéir: bréagáin dhearga le rotha
- sonraí a léiriú agus a déirmhíniú in dhá shraith nó cholún agus réada, samhla agus pictiúir in úsáid
- déanann páistí rogha idir dhá shaghas peata
- tugtar pictiúr nó samhail de pheata don pháiste
- cóirítear pictiúir nó samhla i gcolúin nó i sraitheanna i gcomhfhreagras aon lena haon
- na torthaí a phlé agus comparáid a dhéanamh eatarthu an gá le bunlíne chomónta a phlé.
Baineann na moltaí sna heiseamláirí faoi láimhsiú an ábhair leis an dá rang.